By admin | No Comments
Last updated: Thursday, July 8, 2010

Cikgu Naim vs Cik Umar – Cerai-Berai (Karut)

Sedut Mp3:Hotfile.Com

Nasihat Untuk Yang Dah Berumah Tangga dan Anak Dara !!

Apo balo jong kako nanggung jadi gini lalu
hidup make air mato supo budok putus susu
nanggung sapa gini lalu rumohtanggo cik umar
anok-anok hile ibu kesian jugok ore ramai

kesoh cerai cik umar kiro-kiro dah 10 tahun
susoh pero anok rama tak cekat doh nak tanggung
susoh benar anok-anok tadok kasih saye ibu
tido male tak jenok make minum pun tak lalu

putus kasih saye ibu tadok tempat doh nak manjo
make minum tak lalu mandi-mandi pun tidok rato
tadok tempat nak manjo tadok tempat nak gantung
pakat pikir pakat kiro sapo rugi dan sapo untung

jadi demo laki bini jange mudoh lah cerai berai
talak talak ni bare licin mudoh sangat dia relai
saloh berebut rokok daun jange sampai baloh kekoh
pakat isap pakat gulung pakat beli dah mugo muroh

berebut selimut tengoh male jange sampai baloh kelahi
pakat buat lebih kure dah ado duit gak gi beli
saloh berebut gobek sirih jange sampai kuca haru
royat molek tokkan tokleh mokwo mu kakku dulu

ni gok la tokleh tak sedak kalu tak baloh
mu cokek aku cokek mu latoh aku latoh
kalu kita tu tok tuo jange kuca anok-anok
kito duduk caro tuo ngatik zikir tu biar banyok

bare ngusut ado sejengkal jange bui jadi sedepo
jange tiru perangai murai mulut lembik kelabu mato
laki bini gitu jugok jange pisoh cari penyakit
kalu berona bini mudo ajok kecek baik-baik

pah kito tok laki kenao tahu tanggungjawab
hukum hake keno reti ko bini tu keno royak
keno tahu tanggungjawab nafkoh zahir batin
jange sajo gosok pusat dok gentel kace butir

ingat-ingat ibu bapak keno mikir 2 kali
rumohtanggo jange rabak biar kekal sampai mati
keno ingat maso kasih adik rindu abg sayang
kalu takut ayoh murih kito jupo bowoh pohon mace

adik rindu abe saye dok berempet supo belangkas
ikut abe nak pege tinggi mano abe nak rungkas
kesoh cerai ibu bapak anok-anok la huru hara
la dok jadi belia lepak tepi jalan dok bersila

hari ni lagu mana cuba tengok belia lepak
anok jate cucuk telingo ore tino palo botok
buke setakat kutu lepak timbul pulok bohsia
supo telur jatuh sangkok supo aye hok ibu tinggal

peel-peel bohsia sapo dio gak nak tanggung
ikut jate wat hungga ajok main conget-cakdung
sapo dio nak tanggung tanyo kabar minum make
sapa kepek dah hidung-hidung keno suling bapok syaitan

pasal tu hari ni buang anak banyok sangat
dale loke, kalbod semin, dale supit, jabir rokrat
soal-soal buang anok dasyat sungguh pokteh pakcu
sajo gelenyar nak seronok tadok otak gitu lalu

beranak-beranak demo tinggal dale jabir dale supit
supo nyawo ado jual potongan hargo supermarket
cuba tengok ibu kambing dia beranak dia jaga
manusia tok leh mikir ada otak saja-saja

cuba tengok ibu ayam jaga anok susah payah
kalu kosek dia terkam perat bisul gak bisul pecah
pah mu cik umar ni aku nak bagi tahu
kalu mu anok ramai toksey pero mu bui kakku

anok aku jaga baik dok jaga siang male
sekor nyamuk tokleh ketik aku bui kasih saye
nak sekoloh atar sekoloh atar ngaji tinggi-tinggi
bilo besar jadi mudoh ado sijil make gaji

kalu tadok pelajaran jadi supo putung kayu
wi ko aye make itik toksey tak sudu…

Bookmark to:

CommentSubscribe

Cikgu Naim – Skim Cepat Mati

Dikir ni paling sesuai utk mat rempit..  @ penjenayah..  sebelum mati free baik insaf ........

Cikgu Naim – Penyakit Aids

Cikgu Naim - Penyakit Aids Sedut Lagu : Redirect after 5 seconds.. Hotfile.com ytaudio(DPo7OVg9Kl4) penyakit aids bahaya radio......

Cikgu Naim – Lintah

Cikgu Naim - Lintah ytaudio(krmkbaaEKLk) sedut mp3:- Hotfile.Com Lirik sumbangan ABE aTOK (fACEBOOK):- Kejadian litah ni meme pelik sgoti Dijadikan......

Yoo – Ludah Tak Jilat Balik

Ludah Tak Jilat Balik ytaudio(xODIQLwrRFw) Download Mp3: redirect after 5 seconds.hotfile.com jange dok kato ludah tak jilat balik tokde......

Cikgu Naim – Apa Erti Merdeka

Dikir ni sesuai la utk saper saper  yg rasa diri dia tu melayu..  sila sila......